रीना उप्रेती (के.सी.)

रीना उप्रेती (के.सी.) नेपाली काङ्ग्रेसबाट समानुपातिकतर्फ प्रतिनिधिसभा सदस्य हुन्। उनको चयन खस आर्य, महिला समूहबाट भएको हो। रिना उप्रेतीको राजनीतिक यात्रा २०४६ सालको जनआन्दोलनदेखि नै सुरु भएको हो। नेपाली कांग्रेसको राजनीतिमा लामो समयदेखि सक्रिय उनी हालै समानुपातिक सूचीमार्फत सङ्घीय संसद्‌मा प्रवेश गरेकी छिन्। पूर्वमन्त्री बलबहादुर केसीकी पत्नी भए तापनि उनी आफ्नो छुट्टै राजनीतिक पहिचान र योगदानका आधारमा स्थापित नेता हुन्। सानै उमेरदेखि कांग्रेसको विचारधाराबाट प्रभावित रिना पञ्चायतकालमा १९ वर्षको उमेरमै राजनीतिक गतिविधिका कारण जेल परेकी थिइन्। उनी कांग्रेसको ११औँ महाधिवेशनदेखि नै निरन्तर महाधिवेशन प्रतिनिधिको रूपमा रहँदै आएकी छिन् र पार्टीभित्र एक अनुभवी महिला नेतृको रूपमा चिनिन्छिन्।

अन्य नाम: रीना उप्रेती