डा. प्रमिला कुमारी गछदार

डा. प्रमिला कुमारी गछदार नेपाली काङ्ग्रेसबाट समानुपातिकतर्फ प्रतिनिधिसभा सदस्य हुन्। उनको चयन थारु, महिला समूहबाट भएको हो। सुनसरीको एउटा सामान्य थारु परिवारमा जन्मिएकी प्रमिला कुमारी गच्छदारले दुई दशक लामो सामाजिक तथा राजनीतिक यात्रा तय गर्दै प्रतिनिधिसभाको सदस्य (सांसद) सम्मको उचाइ हासिल गरेकी छन्। कोशी प्रदेश योजना आयोगको सदस्यका रूपमा काम गरिसकेकी उनी हाल नेपाली कांग्रेसमार्फत नीति निर्माणको सर्वोच्च तहमा पुगेकी छन्, जसले विशेषगरी महिला र सीमान्तकृत समुदायको प्रतिनिधित्व गर्दछ। प्रमिलाको पृष्ठभूमि अत्यन्तै सबल र प्राज्ञिक रहेको छ। शिक्षित परिवारमा जन्मिएकी उनले विज्ञान र समाजशास्त्र जस्ता फरक धारका विषयमा स्नातकोत्तर गरेकी छन्। उनले वनस्पति शास्त्र (Botany) मा त्रिभुवन विश्वविद्यालयबाट विद्यावारिधि (PhD) हासिल गरेकी छन्।

अन्य नाम: प्रमिला कुमारी गच्छदार