विष्णुमाया बि.क.

विष्णुमाया बि.क. नेपाल कम्युनिष्ट पार्टी (एमाले)बाट समानुपातिकतर्फ प्रतिनिधिसभा सदस्य हुन्। उनको चयन दलित, महिला समूहबाट भएको हो। तनहुँको एउटा विपन्न परिवारमा जन्मिएकी विष्णुमाया विकले बाल्यकालदेखि नै चरम आर्थिक अभाव र दुःखको सामना गर्नुपरेको थियो। छात्रवृत्तिको सहारामा विद्यालय शिक्षा पूरा गर्दै र ट्युसन पढाएर आफ्नो खर्च जुटाउँदै उनले समाजशास्त्रमा स्नातकोत्तरसम्मको अध्ययन पूरा गरिन्। २०४५ सालदेखि विद्यार्थी राजनीतिबाट यात्रा सुरु गरेकी उनी तेह्रथुम पुगेपछि पनि पार्टी काममा निरन्तर सक्रिय रहिन् र अन्ततः एमालेको केन्द्रीय सदस्य हुँदै संसदसम्मको यात्रा तय गरिन्।

अन्य नाम: विष्णुमाया वि.क.