समिना मिया

समिना मिया राष्ट्रिय स्वतन्त्र पार्टीबाट समानुपातिकतर्फ प्रतिनिधिसभा सदस्य हुन्। उनको चयन मुस्लिम, महिला समूहबाट भएको हो। समिना मियाँ ३७ वर्षीया मुस्लिम महिला हुन्, जो चितवनमा साधारण मुस्लिम परिवारमा जन्मिएकी थिइन्। उनका बाबुआमाले सानो फेन्सी सामानको व्यापार गरेर परिवार चलाएका थिए। उनले बालकुमारी कन्या माध्यमिक विद्यालयबाट माध्यमिक शिक्षा पूरा गरिन्। त्यसपछि बुटवलबाट पीसीएल नर्सिङ, भरतपुरबाट ब्याचलर इन नर्सिङ र भारतको बेंगलुरुस्थित राजीव गान्धी विश्वविद्यालयबाट एमएससी नर्सिङको अध्ययन गरिन्। उनी विवाहित छिन् र उनका श्रीमान् सिभिल इन्जिनियर हुन्। हाल उनी साढे एक वर्षकी छोरीसहित मातृत्व र राजनीतिक नेतृत्व दुवै सँगालिरहेकी छन्।