रत्ना कुमारी थापा

रत्ना कुमारी थापा राष्ट्रिय स्वतन्त्र पार्टीबाट समानुपातिकतर्फ प्रतिनिधिसभा सदस्य हुन्। उनको चयन खस आर्य, महिला, पिछडिएको क्षेत्र समूहबाट भएको हो। अछामकी ४१ वर्षीया रत्ना थापा धामीको जीवन संघर्ष, त्याग र दृढ संकल्पको एउटा प्रेरणादायी कथा हो। २० वर्षको उमेरमा विवाह गरेपछि बुहारी र आमाको जिम्मेवारी सम्हाल्दै उनले आफ्नो अध्ययन र करियरलाई पनि अगाडि बढाइन्। दुर्गमको परिवेशमा साना बालबालिकाको हेरचाह गर्दै उनले प्राथमिक तहको शिक्षक लाइसेन्स परीक्षा उत्तीर्ण गरी १० वर्षसम्म "सरस्वती माध्यमिक विद्यालय" मा शिक्षण गरिन्। शिक्षण पेशाका साथसाथै उनले स्नातक तहसम्मको अध्ययन पनि पुरा गरिन्। तर, श्रीमानको दुवै मिर्गौलामा गम्भीर समस्या देखिएपछि उनले आफ्नो १० वर्ष लामो शिक्षण पेशा र व्यक्तिगत सपनाहरूलाई थाँती राखेर श्रीमानको उपचारका लागि काठमाडौं आउने कठिन निर्णय गरिन्। काठमाडौंको बन्द कोठा र अस्पतालको कुरुवा बस्दाको छट्पटीले उनलाई सामाजिक र राजनीतिक परिवर्तनको आवश्यकता महसुस गरायो।

हाम्रा समाचार स्रोतमा यस सांसदको नाम भएको समाचार अहिलेसम्म भेटिएन।

सांसदको नाम उल्लेख भएका समाचार मात्र यहाँ देखिन्छन्, त्यसैले त्यस्तो समाचार नआएसम्म यो सूची खाली रहन्छ।