शोभा खनाल

शोभा खनाल राष्ट्रिय स्वतन्त्र पार्टीबाट समानुपातिकतर्फ प्रतिनिधिसभा सदस्य हुन्। उनको चयन खस आर्य, महिला समूहबाट भएको हो। शोभा खनाल गोरखाको गण्डकी गाउँपालिका–५ दर्वुङकी स्थानीय हुन् । सानैदेखि समाजमा देखिने विभेद र बेथितिविरुद्ध बोल्ने स्वभावकी उनलाई परिवारको राजनीतिक वातावरणले प्रभावित गरेको थियो । हजुरबुवा र बुवा गाउँमा राजनीतिक रूपमा सक्रिय थिए भने आमाले महिला समूह र विद्यालय व्यवस्थापन समितिमा गरेको सक्रियताले उनलाई समाजसेवी बन्न प्रेरणा दियो । रत्नेश्वर माविबाट २०६० सालमा एसएलसी उत्तीर्ण गरेकी शोभाले काठमाडौंको मनमोहन मेमोरियल कलेजबाट १२ कक्षा र पद्मकन्या क्याम्पसबाट राजनीतिशास्त्रमा स्नातकोत्तर गरिन् ।