पार्वती वि. क.

पार्वती वि. क. नेपाली कम्युनिष्ट पार्टीबाट समानुपातिकतर्फ प्रतिनिधिसभा सदस्य हुन्। उनको चयन दलित, महिला समूहबाट भएको हो। जाजरकोटको भेरी नगरपालिका–१० भूरकी पार्वती विक एक सामान्य किसान परिवारमा जन्मिएकी हुन्। सानै उमेरदेखि समाजमा व्याप्त जातीय र लैंगिक विभेदलाई नजिकबाट देखेकी उनले कक्षा ४ मा पढ्दै गर्दा २०५६ सालमा अखिल क्रान्तिकारीको इकाई कमिटी अध्यक्ष बनेर राजनीतिक यात्रा सुरु गरेकी थिइन्। उनी २०५८ सालमा विद्यार्थी उमेरमै भूमिगत भएर सशस्त्र विद्रोहमा समेत सामेल भइन्। मध्यपश्चिम विश्वविद्यालयबाट अन्तर्राष्ट्रिय सम्बन्ध र कुटनीति विषयमा स्नात्तकोत्तर पूरा गरेकी उनीमा समाजका विभिन्न विभेदबारे विभिन्न अभियानको नेतृत्व गरेको अनुभव छ नै त्यसबारे गहिरो अध्ययन पनि छ ।

अन्य नाम: पार्वती वि.क.