परशुराम तामाङ्ग

परशुराम तामाङ्ग नेपाली कम्युनिष्ट पार्टीबाट समानुपातिकतर्फ प्रतिनिधिसभा सदस्य हुन्। उनको चयन आदिवासी जनजाति, पुरुष समूहबाट भएको हो। परशुराम तामाङ्ग नेपाली राजनीतिमा एक बौद्धिक र संघर्षशील व्यक्तित्व हुन्, जसले विगत ५० वर्षदेखि वर्गीय र जातीय मुक्तिको मुद्दालाई जोड्दै आएका छन्। २०३३ सालमा नेकपा (चौम) बाट राजनीति सुरु गरेका तामाङले वामपन्थी आन्दोलनभित्र आदिवासी र जनजातिका अधिकारलाई सैद्धान्तिक रूपमा स्थापित गर्न महत्त्वपूर्ण भूमिका खेलेका छन्। हाल नेकपाबाट प्रतिनिधि सभामा समानुपातिक सांसद चयन भएका उनी पहिलो पटक संसदीय यात्रामा प्रवेश गरेका हुन्। उनले संघीय लोकतान्त्रिक गणतन्त्र स्थापना भए पनि राज्यसत्तामा अझै विभेद कायमै रहेको बताउँदै संविधान संशोधनमार्फत सबै समुदायको समान अधिकार सुनिश्चित गर्नुपर्नेमा जोड दिँदै आएका छन्।

अन्य नाम: परशुराम तामाङ