सिर्जना श्रेष्ठ

सिर्जना श्रेष्ठ राष्ट्रिय स्वतन्त्र पार्टीबाट समानुपातिकतर्फ प्रतिनिधिसभा सदस्य हुन्। उनको चयन आदिवासी जनजाति, महिला समूहबाट भएको हो। सिर्जना श्रेष्ठ आईटी क्षेत्रकी अनुभवी व्यक्तित्व हुन् । उनले सूचना प्रविधि क्षेत्रमा २२ वर्षको लामो अनुभव बटुलेकी छन् । विभिन्न प्राविधिक, व्यवस्थापकीय र व्यावसायिक जिम्मेवारी सम्हाल्दै आएकी उनी कम्प्युटर एसोसिएसन नेपाल (क्यान) को पूर्वउपाध्यक्ष समेत रहिसकेकी छन् । साइबर सुरक्षा, व्यक्तिगत डाटा सुरक्षा र डिजिटल प्रणालीको सुरक्षित प्रयोगजस्ता विषयमा विशेष रूपमा सक्रिय रहेकी सिर्जनाले आईटी उद्योगका नीतिगत चुनौती र सम्भावनालाई नजिकबाट बुझेकी छन् । राजनीतिमा प्रवेश गर्नुअघि उनी कुनै पनि दलमा आबद्ध थिइनन् र आफ्नै क्षेत्रमा व्यावसायिक रूपमा सक्रिय थिइन् ।