क्रान्तिशिखा धिताल

क्रान्तिशिखा धिताल राष्ट्रिय स्वतन्त्र पार्टीबाट समानुपातिकतर्फ प्रतिनिधिसभा सदस्य हुन्। उनको चयन खस आर्य, महिला समूहबाट भएको हो। क्रान्तिशिखा धितालको जन्म २०५४ सालमा माओवादी सशस्त्र द्वन्द्वको उद्गमस्थल रोल्पाको जिनाबाङमा भएको हो। युद्धको छाया, बन्दुकको आवाज र त्रासपूर्ण वातावरणमा उनको बाल्यकाल बित्यो। उनको परिवार नेकपा एमालेको राजनीतिमा सक्रिय रहेका कारण तत्कालीन समयमा माओवादीको निशानामा थियो, जसले गर्दा उनले सानै उमेरमा असुरक्षा र संघर्षलाई नजिकबाट देखिन्। यही पृष्ठभूमिले उनलाई समाजका अन्यायविरुद्ध प्रश्न गर्न र शान्तिको महत्त्व बुझ्न सिकाएको देखिन्छ।