वसु माया तामाङ

वसु माया तामाङ राष्ट्रिय स्वतन्त्र पार्टीबाट समानुपातिकतर्फ प्रतिनिधिसभा सदस्य हुन्। उनको चयन आदिवासी जनजाति, महिला समूहबाट भएको हो। राष्ट्रिय स्वतन्त्र पार्टी (रास्वपा) बाट समानुपातिक सांसदमा सिफारिस भएकी ५४ वर्षीया बसुमाया तामाङको जीवनयात्रा अत्यन्तै संघर्षपूर्ण र प्रेरणादायी छ। धादिङको रुबी भ्यालीमा जन्मिएकी उनले सानै उमेरमा परिवारसँगै काठमाडौँ आएर अभाव र कठिनाइको सामना गर्नुपर्यो। २०४९ सालमा पद्मकन्या कलेजबाट आईए उत्तीर्ण गरे तापनि बुबाको निधनपछि परिवारको जिम्मेवारी काँधमा आएकाले उनले उच्च शिक्षालाई निरन्तरता दिन सकिनन्। जीविकोपार्जनका लागि उनले ऊन कात्ने, स्विटर बुन्ने र रात्रिको समयमा विष्णुमती नदीमा बालुवा चाल्ने तथा बोक्ने जस्ता कडा शारीरिक श्रम समेत गरिन्।

हाम्रा समाचार स्रोतमा यस सांसदको नाम भएको समाचार अहिलेसम्म भेटिएन।

सांसदको नाम उल्लेख भएका समाचार मात्र यहाँ देखिन्छन्, त्यसैले त्यस्तो समाचार नआएसम्म यो सूची खाली रहन्छ।