स्मृति सेन्चुरी

स्मृति सेन्चुरी राष्ट्रिय स्वतन्त्र पार्टीबाट समानुपातिकतर्फ प्रतिनिधिसभा सदस्य हुन्। उनको चयन दलित, महिला समूहबाट भएको हो। स्मृति सेन्चुरीको जन्म २०५५ चैत्र ६ गते साविकको लामिडाँडा गाविस (हाल कालिञ्चोक गाउँपालिका–३, पोखरे) मा भएको थियो। दुई वर्षको उमेरमा आमाको निधन भएपछि बुबाले दुःखसुख गरेर हुर्काएका थिए। उनले घाँसदाउरा र खेतीपातीमा बुबालाई सघाउँदै स्थानीय भगवती माध्यमिक विद्यालयबाट एसईई उत्तीर्ण गरिन्। उच्च शिक्षा लागि काठमाडौं आएकी स्मृति हाल स्नातकोत्तर तहको अध्ययन गरिरहेकी छन्। उनको परिवारमा दाजु सुरेश सेन्चुरीले १८ वर्षदेखि साउदी अरबमा रोजगारी गरेर पढाइ र अन्य खर्च व्यहोर्दै अभिभावकत्व प्रदान गरेका छन्। २७ वर्षीया स्मृतिले बाल्यकालदेखि नै गरिबी र चुनौतीपूर्ण जीवन भोगेकी थिइन्।

हाम्रा समाचार स्रोतमा यस सांसदको नाम भएको समाचार अहिलेसम्म भेटिएन।

सांसदको नाम उल्लेख भएका समाचार मात्र यहाँ देखिन्छन्, त्यसैले त्यस्तो समाचार नआएसम्म यो सूची खाली रहन्छ।