आशिष गजुरेल

आशिष गजुरेल राष्ट्रिय स्वतन्त्र पार्टीबाट सिन्धुली-२ का प्रतिनिधिसभा सदस्य हुन्। उनी २०८२ को निर्वाचनमा प्रत्यक्ष निर्वाचित भएका हुन्। आशिष गजुरेल सिन्धुली क्षेत्र नं. २ बाट राष्ट्रिय स्वतन्त्र पार्टी (रास्वपा) का तर्फबाट प्रतिनिधिसभा सदस्य पदका उम्मेदवार हुन्। ४४ वर्षीय गजुरेल कमलामाई नगरपालिका, सिन्धुलीका स्थायी बासिन्दा हुन् र उनले जर्मनीको प्रतिष्ठित टेक्निकल युनिभर्सिटी मिउनिकबाट ट्रान्स्पोर्टेसन सिस्टममा स्नातकोत्तर गरेका छन्। उनी विशेषगरी यातायात तथा पूर्वाधार विकासका क्षेत्रमा गहिरो दख्खल राख्ने एक विज्ञ व्यक्तित्वका रूपमा चिनिन्छन्। दिगो यातायात, सडक सुरक्षा र सार्वजनिक–निजी साझेदारी जस्ता प्राविधिक विषयमा उनको सक्रियता प्रशंसनीय छ। उनी आफ्नो विशेषज्ञतालाई देशको नीति निर्माण तहमा प्रयोग गर्ने लक्ष्यका साथ चुनावी मैदानमा होमिएका छन्।